grüezi zäme - bin ja als guete bünzli grundsätzlich gege neui Sache aber chan mer öpper feddit erkläre?
this post was submitted on 12 Jun 2023
35 points (100.0% liked)
BÜNZLI
404 readers
1 users here now
Bünzli isch im Schwiizerdütsch e Bezeichnig für e geistig unbeweglichi, chlykariert dänkendi und uhuere gsellschaftskonformi Person. Da hets Platz fürs Bünzlitum, überschwänglichi Vaterlandsliebi und e gehörigi Portion Sälbschtironie.
Reglä:
- Sind lieb zunenad - Merci
- Kei Wärbig oder Kommentär späme
- Nüt da mit rassistisch sii, antisemistisch oder irgend en anderi form vo Fanatismus - chömmer nöd bruche
- Hebet en schöne!
founded 1 year ago
MODERATORS
Da ine dörfed ihr eu gern uf Schwiizerdütsch über üses Schwiizer Bünzlitum unterhalte. Hebet en schöne!
Saaali - es wunderet mich schochli über die viele Bünzlis da, aber wenns scho mal da sind machemer doch öpis.
Es git en pfoschte, wo mer au chan frage rund um lemmy und s fediverse stelle, da ischer. Ich versuch dir trotzdem relativ churz und knapp dazu e antwort z geh:
Feddit isch kei Technologie oder so, sonder eigentlich sochli "s Fediversium (Reddit)". Also so hans ich verstande.
feddit.ch wird mit de Software "Lemmy" betriebe und isch Teil vom Fediversum, es dezentrals Netzwerk, wo alli Communities, Pfoschte und Kommentär unterand unstuscht und verfüegbar macht. S Fediversum bestaht uns ganz viel verschiedene, unabhängige Instanze wo Programm wie da s Lemmy unterenand via "ActivityPub" Nachrichte ustusched. D Idee wär, das es nöd nur eis grosses Medium wie z.B. Reddit git, wo alles chan kontrolliere - sondern viel chlini, wo eigeti entscheidge träffet.
Ich hoffe das hilft chli.
das hilft sehr, danke
Super erklärt, hans bisher au nur us de Ferni beobachtet.
Nice, schneller als erwartet. Gueti Sach @_Frog@feddit.ch Ha min account leider scho bi de Dütsche gmacht, aber ich hoffe das regt euch Puriste ned zfescht uf.
Isch ja s schöne a lemmy, dass es nöd würkli druf aah chunt. Nimmt mi na wunder welli vo all dänne Instanze ines paar möned wieder weg sind.
Genau, ja das nimmt mi au wunder. Das wird sich vermuetli schochli ide nächste Täg zeige wenn uf reddit wieder d subs ufmached.
Isch jetzt also scho nöd s gälbi vom ei, da chani nur de chopf schüttle. Freut mi aber trotzdem dasd da bisch.
hach isch das schön.
Gsehd so us als öb d Federalifizierig vorahschriited!
Isch kuul zum zuelege, chli meh als e wuche und scho über 70 feddit.ch Benutzer und über 100 folgendi ufem bünzli kanal.
Geil! Jetzt isch mir Läbe komplett!
view more: next ›